ඔබ..

එකලු කල නදුනුයන
සඳුන් හර ඔබ වන
නෙත් රුවින් දනවන
කුසුම් කැන ඔබ පිපෙන
විඩාවට සෙවණම දෙන
තුරු සිරස ඔබම වන
හසරැල්ල;
කඳුලැල්ල;
දෙකම සමඟම සිටින
ජීවන කවියේ 'කුසුම'
ඔබයි.... මා හදේ පිපුන.

දිවි ගෙවමු 'අපි' ලෙසින්....

දඟකාර යෞවනය
ගෙවන බව හැබෑමයි
තුරුණු විය එළඹිලා
ඒ බවත් ඇත්තමයි
ආසාවන් පිරෙයි
ජිවිතය අරඹන්න
ඉතින් අවසර දෙන්න
ඔබෙ ගතේ දැවටෙන්න
ජිවිතය ගෙවමු දැන්
'අපි' ලෙසින්......

හිනා මැව්වා හිතේ.......

දුරුතු මුල සුන්දරව
සතුටු කඳුළුම අරන්
අලුත් අවුරුදු කුමරු විලසින්
පැමිණියා ඔබ පැමිණියා
සිනහවේ එළියත් අරන්
මගේ ලෝකයෙ හෙට දිනේ
රළක් නති බොර දියක
පෙණ පොකුරු රළ නංවා
දහසකුත් පැතුම් පොදි
බැන්දුවා මගෙ හිතේ
මේ සෙනෙහෙ හමදාම
සිහි තබන් ඔබෙ හිතේ................

ඔබ........

නිදි නැති දා
කාන්සියට
තෙලිතුඩ මැවු කවියයි
ඔබ.....
සිතිජ ඉමේ
ලා පාටින්
ඇදෙන රිදී එළියයි
ඔබ.....
තනිකම පිස
දෝර ගලන
නිල්වන් දිය රැල්ලයි
ඔබ.....
සිහින විමන්
දොරටු ඇරෙන
මුදු සැලමුතු පින්නයි
ඔබ.....
ළසෝ දුකේ ගිමන නිවන
ගත දැවටෙන හසරැලි
ඔබ.....
නිවන සිතේ
පතුම් වෙලා
සසරේ සෙවණැල්ලයි
ඔබ......

හද බැඳි කවි....: දිවි තුරා පෙම් බඳිමි..............

හද බැඳි කවි....: දිවි තුරා පෙම් බඳිමි..............: "පන්හිඳෙන් ගලන්නෙ සිත් හැගුම් ඔබෙ නමිනි සෙනෙහසින් ලවන්නේ හද පවන් සිලිසිලි නැඟිනි තනුවකි..."

දිවි තුරා පෙම් බඳිමි..............

පන්හිඳෙන් ගලන්නෙ සිත් හැගුම් ඔබෙ          නමිනි
සෙනෙහසින් ලවන්නේ හද පවන් සිලිසිලි      නැඟිනි
තනුවකින් වයනේ සිත් සත් ස්වර                   රමණි
තුතිමලින් ලියන්නේ ඔබ වෙත මා                 කවියකිනි

ඔබෙ පියවර මතින් පියමැන ලෝකය               දකිමි
හැර දමා යනු කෙලස මම ඔබෙ ලෝකයම        වෙමි
නෙත් දියෙන් මහිමියනි ඔබෙ පා යුග                දොවමි
දිවිතුරා ඔබෙ නමට නොනිමි ලෙස පෙම්            බඳිමි